|
Fran Cima e Pablo González a pechar a tempada con outro bo rallye |
 |
 |
 |
|
Escrito por Curuxarallye
|
|
Xoves, 27 Novembro 2008 12:57 |
Tras completar de forma brillante a pasada fin de semana, no Shalymar madrileño, o seu programa no Campionato de España de Rallyes, Fran Cima, o seu copiloto Pablo González e o Renault Clio R3 teñen esta fin de semana en Asturias a súa cita final da tempada 2008. Trátase do Rallye de la Montaña Central, última proba do Campionato de Asturias de Rallyes, no que o novo piloto ovetense ten xa asegurado un posto entre os cinco mellores da clasificación final tras os bos resultados obtidos nos cinco anteriores rallyes do certame.
Cima chega ao Montaña Central como cuarto clasificado na xeral provisional do campionato e con opcións mesmo de optar ao subcampionato rexional, aínda que para iso non dependa de si mesmo, xa que necesitaría non só rematar entre os primeiros da proba senón que tanto Miguel Arias como Félix García rematasen atrasados ou non puntuasen.
En todo caso, esa non é a meta que se marca Fran para a cita final dunha tempada que foi tremendamente positiva ao volante do Renault Clio R3. Co Campionato de España Junior e o subcampionato da Renault Clio Cup xa conseguidos, os obxectivos do ano están máis que cumpridos para Cima e todo o seu equipo, polo que no Montaña Central a súa intención é pechar a campaña con outro bo rallye, conscientes do difícil que serei se meter na loita polas prazas de honra nunha proba na que hai inscritos nada menos que dous WRC e oito Mitsubishis EVO. Trátase de vehículos que coa súa maior potencia e tracción total deberán ser, por lóxica, os máis competitivos nos deslizantes tramos que compoñen esta quinta edición do rallye organizado por Turón Arrás, no que o Clio R3 de Cume é a imaxe principal do seu cartel anunciador, ao ser un dos seus patrocinadores, Leomotor, patrocinador tamén da proba. Clasificación provisional Campionato de Asturias de Rallyes- 1 César Pazo 120
- 2 Félix García 110
- 3 Miguel Arias 109
- 4 Fran Cima 98
- 5 Juan Carlos Del Oso 96
Texto e foto: Comunicado de Prensa Tradución: Curuxarallye
|
