E é que unha enfermidade contraída nas xornadas previas ao inicio do rallye Shalymar fixo que o piloto de Dumbría e con el todo o seu equipo, tivesen que volver á casa antes de chegar a loitar por un campionato no que tiñan moitas opcións, máis aínda tendo en conta que o seu principal rival non rematou a proba.

Xa cando cheguei o martes a Madrid comecei a atoparme bastante mal, con nervios e mal estar xeral pero as seguintes horas foron o peor. Sentíame fatal e mesmo cheguei a vomitar en varias ocasións. Creo que tomamos a decisión correcta, posto que non podería competir co nivel de concentración esixido e ter algún tipo de contratempo, valoraba entristecido Senra.

 

 

Perder o campionato deste xeito sábenos fatal a todo o equipo, polo que loitaramos durante toda a tempada. Tiñamos moitas opcións en Madrid, posto que o noso rival, Monarri, podía cometer algún erro ou ter algún tipo de problema ao correr na casa, como así foi.

Poderiamos gañar...

... de participar na proba, Senra e Vázquez poderían conquistar o título do Desafío Peugeot no rallye Shalymar, este pasado sábado 22, algo moi valorado no mundo da competición en España, por tratarse da copa máis antiga e de maior prestixio. Para iso tiñan que lograr a vitoria na proba e esperar a que o seu principal rival non obtivese un bo resultado.

E non só o pesar de poder gañar senón que ademais a parella gallege perdeu a súa segunda posición no campionato, finalizando na terceira, algo que contribuíu negativamente na valoración final da tempada: Ao final, as cousas torcéronse inesperadamente e remataron do peor xeito posible, pero así é a alta competición. Debemos felicitar a Monarri polo título e a Vallín polo segundo posto, así como ao noso compañeiro Iván Ares, a quen lle escapou o rallye por moi pouco.


Clasificación Final - Desafío Peugeot 2008

• 1. Alberto Monarri, 141 puntos
• 2. Esteban Vallín, 135
• 3. Víctor Senra, 132
• 4. Miguel Arias, 122
• 5. Climent Domingo, 117

 

Texto: Comunicado de Prensa

Fotografía: Miguel Díaz

Tradución: Curuxarallye