Tras confirmarse a tan temida non celebración do Rallye da Coruña, Óscar López e Iván Gómez álzanse co triunfo final na Challenge Galega 2008 co seu Peugeot 206 RC, o que sen dúbida pecha dun modo inmellorable a tempada 2008 para o equipo Promo Rallye-Sta. Apolonia.

Cun calendario composto polas probas do Campionato de España a celebrar en Galicia, López e Gómez fixeron gala dun grande equilibrio entre regularidade e rapidez,que levoulles a comezar a tempada cun prometedor cuarto posto no Rallye Rías Baixas, ao que posteriormente uniron dous segundos postos nos rallyes de Ourense e Ferrol que lles serviron para alcanzar a vitoria final a bordo do seu Peugeot 206 RC por diante Alberto Meira (Mitsubishi Lancer EVO IX) e Óscar Soto (Peugeot 206 XS), segundo e terceiro clasificado respectivamente.

 

 

 

Para Óscar López este resultado é sen dúbida o mellor premio posible a todo o traballo realizado ao longo deste 2008 por todo o noso equipo, todo saíu á perfección e soubemos xogar nosas opcións do mellor xeito posible. Estou moi contento por lograr a vitoria final, é un broche de ouro á tempada.

 

Pola súa banda, Iván Gómez está moi feliz, a principios de ano queriamos loitar polos postos de cabeza e conseguimos vencer, así que mellor imposible. Quero agradecer a todo o equipo, aos nosos patrocinadores e a todos aqueles que colaboraron connosco, sen eles non seria posible.

 

O equipo Promo Rallye estivo apoiado por Sta. Apolonia S.L., Antalsis Construción e Servizos, Kobem Gestión y Desarrollos Industriales, Fundación Deporte Galego, Hondigo Revestimientos, Desguaces Herbón, Concello da Pontenova, Hierros Alonso, Prodausa, Congelados Asturgalaicos e Merendeiro El Mazo, aos cales agradecen o apoio prestado na tempada 2008.

 

 

 

 

* Clasificación proporcionada polo equipo. Non oficial

Texto, imaxe: Comunicado de Prensa

Tradución: Curuxarallye