|
A próxima fin de semana concluirá o Campionato de España de Rallyes de asfalto, coa disputa do Rallye Shalymar en Madrid. Ausente no Rallye Costa Brava ao padecer unha gastroenteirite nos días previos, o coruñés reaparecerá no Rallye Shalymar con ánimo de facer un bo papel.
Esta será ademais a penúltima cita do trofeo Produción Rallye Racing, un certame coñecido por disputarse sobre terra e asfalto sobre vehículos Mitsubishi, e que despois desta carreira visitará a localidade ilerdense de Tárrega para pechar o que foi un apertado calendario con 14 carreiras. Este campionato é onde compite Diego Cabanela, piloto coruñés que de feito non puido ser da partida na última carreira disputada, o Rallye Costa Brava, debido a unha gastroenteirite. Cabanela quere agora pasar páxina ante ese desgraciado episodio e mostrar a súa mellor cara no Rallye Shalymar. Diego, que xa sabe o que é vencer en probas do trofeo P.R.R., parte co obxectivo de ser o máis rápido e engadir unha nova marca ao seu revólver. A estas alturas de tempada - comenta- as miñas opcións ao título esvaecéronse, pero vou seguir loitando polas vitorias parciais. O obxectivo deste ano era evolucionar e aprender, e quero seguir facéndoo.
A proba madrileña celébrase nun esquema diferente ao habitual, con algúns tramos disputándose xa na tarde-noite do venres, e outros na mañá e tarde do sábado. O epicentro da carreira será o Circuíto do Jarama, onde estará situado o parque de asistencia, e mesmo se realizará un tramo cronometrado empregando o trazado do circuíto.
Así vai o Campionato:
1º Martí 58 ptos
2º Márquez 54 ptos
3º Muñiz 53 ptos
4º Cabanela 34 ptos
5º Aguado 28 ptos
6º Santana 11 ptos
56º Rallye Shalymar
- Organizador: Club Shalymar Competición
- Días: 21 e 22 de novembro
- Quilómetros totais: 851.55 kms
- Quilómetros cronometrados: 166.16 kms
- Número de tramos: 13
- Día do Rallye: 21 e 22 de novembro
- www.shalymar.es
Tramos venres 21-Hora paso 1º:- A) Puerto de Canencia (11,39 km) - 20:52
- B) La Hiruela (17,68 km) - 21:45
- C) La Puebla-Robledillo (17,44 km) - 22:39
Tramos sábado 22-Hora paso 1º:- D) Puerto de Morcuera (14,45 km)- 8:29 e 12:11
- E) Puerto de Navafría (14,84 km) - 9:05 e 12:47
- F) La Cabrera-Torrelaguna(5,05 km)-10:23 e 14:05
- G) Circuíto Jarama (10,92 km) - 15:45 e 18:55
- H) Puerto de Canencia (11,39 km) - 16:44
- I) La Puebla-Robledillo (17,44 km) - 17:52
Texto e foto: Comunicado de Prensa Tradución: Curuxarallye
|
