|
Javier Paz xogará na casa na próxima Subida a Cabanelas-Carballiño |
 |
 |
 |
|
Escrito por Curuxarallye
|
|
Luns, 17 Novembro 2008 13:14 |
|
Na que é a primeira edición desta proba, o piloto de Carballiño participará a bordo dun Mitsubishi Lancer de grupo N do preparador de Vimianzo A.R. Vidal
Da man da escudería Carballiño Motor Sport, o próximo 22 e 23 de novembro disputarase na devandita localidade ourensana a que será a última proba de montaña do calendario autonómico galego para a tempada 2008.
A carreira é puntuable para o Campionato Galego de Montaña (onde o título xa está decidido, con Benito Varela desbancando este ano a Toño Gómez), e comezará o domingo 23 ás 9:30 cunha manga de adestramentos, realizándose a continuación dúas ascensións oficiais, das que se reterá o mellor crono obtido por cada piloto, servindo ésto para dirimir a clasificación.
A I Subida Cabanelas- Carballiño conta co percorrido máis extenso (6,400 kms) de todas cantas probas deste tipo se celebran en Galicia, nun esixente trazado que transcorre pola estrada OU-0413, con saída no km 1,500 e meta no 7,900. Aínda que como todos os pilotos terán realizar os pertinentes recoñecementos, para Javier Paz este trazado non é en absoluto novo, pois no seu momento formou parte doutras citas automobilísticas como por exemplo o Rallye do Lacón.
Paz sairá a bordo dun Mitsubishi Lancer Evo IX do preparador A.R. Vidal, co que quedou moi satisfeito tras o pasado Rallye Ourense Baixa Limia, en que Paz alcanzou a terceira posición final.
As verificacións terán lugar na tarde do sábado 22 na c/ Celso Emilio Ferreiro de Carballiño, co parque pechado (onde formarán todos os vehículos) xunto ao Concello. Texto e foto: Comunicado de Prensa Tradución: Curuxarallye
|
