Para definir a "Pole Position" utilizarase un mesmo kart para todos os equipos, que designarán un membro que realizará dúas voltas ao circuíto, unha lanzada e outra de crono. O equipo que logre o mellor tempo sairá na "pole" e elixirá o kart no que participará na primeira hora de carreira e así o resto dos equipos segundo a crono. A saída será tipa "Le Mans".

Cada hora de carreira, o Director de Carreira indicará unha volta e todos os equipos deberán deterse no "pit lane" para encher combustible. Reiniciarase a carreira cambiando de kart, sendo o equipo que vai de último o que escolle o kart que quere levar. Cada equipo retomará a carreira segundo a posición e as diferenzas co primeiro clasificado logradas durante os parciais anteriores.

Cada 20 minutos é obrigatorio facer unha para en boxes como mínimo para cambiar de piloto, podendo cada equipo facelo as veces que o estime, pero mínimo unha vez cada 20 minutos. O Director de Carreira acenderá o semáforo verde aos 15 minutos indicando que restan 5 para cumprirse os 20 minutos correspondentes á quenda.

En caso de avaría dun kart, no pit lane haberá dispostos karts de reserva para que o equipo poida continuar a carreira. Os participantes deberán cumprir as normas de competición no referente ás bandeiras, actitude na pista e comportamento xeral podendo a Dirección de Carreira sancionar con "Stop and Go" ao piloto ou equipo que non respecte as normas.

O equipo gañador será aquel que logre o maior número de voltas ao rematar a carreira.

Máis información:

• www.hobby-kart.com
• Este enderezo de correo-e está a ser protexido de robots spamers, precisas activar o JavaScript para velo
• 981 88 14 12