Tras estar a rodar durante todo o rallye en segunda posición, Muñiz pronto se atopaba con que ía ser dificilísimo optar á vitoria ante o local Martí: atopábame un pouco perdido nun rallye como este, que non coñezo, e onde estar a loitar con Jordi Martí mostrouse complicadísimo, polo que debo felicitalo pola súa magnífica vitoria de hoxe. De tal xeito, que o coruñés se afianzaba na segunda posición e chegaba á última especial do día cunha renda de 14,8 segundos sobre o asturiano Carlos Márquez.

Ese último tramo cronometrado resultaba funesto para as aspiracións de Álvaro, que cedía de golpe case medio minuto con Márquez e con iso tamén a segunda praza. Muñiz comentaba que durante todo o rallye tivemos problemas de subviraxe, o coche non parecía querer entrar ben nas curvas e nalgúns momentos facíase bastante torpe. Pero non é escusa para felicitar tamén a Carlos, que correu moito neste último tramo.

A próxima proba para Muñiz será o madrileño Rallye Shalymar, que se disputa o 22 de novembro.

Rallye Sierra Morena
Clasificación "Produción Rallye Racing"

• 1 Martí - Sánchez 1 h 47 ' 46. 6
• 2 Márquez - Goñi a 2 ' 05. 2
• 3 Muñiz - Blanco a 2 ' 19. 1
• 4 Augado - Ferrero a 9 ' 12. 1

Así vai o Campionato:

• 1º Martí 58 ptos
• 2º Márquez 54 ptos
• 3º Muñiz 53 ptos
• 4º Cabanela 34 ptos
• 5º Aguado 28 ptos
• 6º Santana 11 ptos

Texto e foto: Comunicado de Prensa

Tradución: Curuxarallye